ប្រព័ន្ធភ្លើងចរាចរណ៍

ប្រព័ន្ធភ្លើងចរាចរណ៍ អាចជួយអ្នកឲ្យដឹងបានថា តើអ្នកកំពុងស្ថិតនៅត្រង់ចំណុចណា និងអ្វីដែលអ្នក​ត្រូវធ្វើ ។

• ភ្លើងពណ៌បៃតង ៖ ប្រសិនបើអ្នកស្ថិតនៅ​លើចំណុច​ភ្លើងពណ៌បៃតង មានន័យថា អ្នកកំពុងឈរនៅក្នុងចំណុចត្រឹមត្រូវ ហើយបាន​បំពេញកាតព្វកិច្ចរួចរាល់ តាមពេលកំណត់ ។
• ភ្លើងពណ៌ទឹកក្រូច ៖ ស្ថានភាពរបស់អ្នក នឹង​រំកិលមកត្រង់បរិវេណពណ៌ទឹកក្រូច ប្រសិនបើ​អ្នក​មិនបានបំពេញកាតព្វកិច្ច របស់អ្នកទាំង​អស់ បានទាន់ពេល ដោយមិនមានហេតុផល​សមរម្យ ដែលអាចទទួលយកបាន ។ ត្រង់នេះ គឺមានន័យថាអ្នកត្រូវ ទាក់ទងយើងខ្ញុំ ភ្លាមៗ ។ ប្រសិនបើអ្នកមិនអាចទាក់ទងមកយើងខ្ញុំ ហើយ​មិន​អាចស្តារស្ថានភាពឡើងវិញក្នុងរយៈ​ពេល 5 ថ្ងៃ នៃថ្ងៃធ្វើការទេ ស្ថានភាពរបស់អ្នក នឹងរំកិលទៅកាន់តំបន់ពណ៌ក្រហម ។
• ពណ៌ក្រហម ៖ នៅពេលដែលអ្នក ស្ថិតក្នុង​តំបន់​ពណ៌ក្រហម ជំនួយរបស់អ្នកនឹងត្រូវកាត់​បន្ថយ ឬយើងខ្ញុំ នឹងបញ្ឈប់ជំនួយរបស់អ្នក តែម្តង ។ ត្រង់នេះមានន័យថា​អ្នកត្រូវ​ ទាក់ទងយើងខ្ញុំ ជាបន្ទាន់ ដើម្បីស្តារស្ថាន​ភាព​របស់អ្នកឡើងវិញ ។

ប្រសិនបើមានហេតុផលណាមួយដែលរារាំងអ្នកមិនឲ្យបំពេញកាតព្វកិច្ចរបស់អ្នកបាន សូមពិភាក្សាជាមួយ​យើងខ្ញុំជាបន្ទាន់ ។ ប្រសិនបើមិនទាន់មាននរណាទាក់ទងអ្នកទេ យើងខ្ញុំ​នឹងព្យាយាមទាក់ទងអ្នក មុនពេលស្ថានភាពរបស់អ្នក​រំកិលទៅកាន់តំបន់ពណ៌ទឹកក្រូច ដើម្បីរកមើលមូល​ហេតុ​ដែលធ្វើឲ្យអ្នកមិនទាន់បានបំពេញកាតព្វកិច្ច​របស់អ្នកបាន ។

យើងខ្ញុំ​នឹង​ផ្ញើ​សំបុត្រ​ទៅ​អ្នក​ដើម្បីប្រាប់អ្នក​ឱ្យ​បាន​ដឹង​ថា​តើអ្នក​កំពុងស្ថិតនៅក្នុងតំបន់ពណ៌ទឹកក្រូច ឬ​ពណ៌ក្រហម ។ ចាប់ពីដើមខែតុលាតទៅ អ្នកក៏នឹង​បានឃើញ ស្ថានភាពរបស់អ្នកផងដែរ នៅក្នុង MyMSD ប្រសិនបើអ្នក កំពុងស្ថិតនៅក្នុងតំបន់ពណ៌ទឹកក្រូច ឬពណ៌ក្រហម ។

តើប្រព័ន្ធភ្លើងចរាចរណ៍ សម្រាប់អ្នកណា

អ្នកនឹងស្ថិតនៅក្នុងប្រព័ន្ធភ្លើងចរាចរណ៍ ប្រសិនបើអ្នក​មានកាតព្វកិច្ចទាក់ទងនឹងការងារ និង/ឬសង្គម ។ ចំណុចទាំងអស់នេះគឺ ៖

• ស្វែងរក ឬរៀបចំខ្លួន សម្រាប់ធ្វើការងារ
• ចូលរួមក្នុងការវាយតម្លៃសមត្ថភាពការងារ ដើម្បីជួយយើងខ្ញុំ ឲ្យអាចយល់បានពីប្រភេទ​ការងារ​ដែលអ្នកអាចធ្វើបាន
• ចូលរួមក្នុងសកម្មភាពជាមួយអ្នកផ្តល់សេវារបស់យើងខ្ញុំ ដើម្បីស្វែងរកការងារ ឬរៀបចំខ្លួន​សម្រាប់ចូលធ្វើការ
• កាតព្វកិច្ចសង្គម (នៅពេលត្រូវថែទាំ​កុមារ​ក្នុងបន្ទុក) ។

អត្ថប្រយោជន៍ជាមួយនឹងកាតព្វកិច្ចការងារ និង/ឬសង្គម

អ្នក ឬដៃគូរបស់អ្នក នឹងមានកាតព្វកិច្ចទាក់ទងនឹង​ការ​ងារ និង/ឬសង្គម ប្រសិនបើអ្នកទទួលបានអត្ថប្រយោជន៍មួយ ក្នុង​ចំណោម​អត្ថប្រយោជន៍ទាំងនេះ ៖

• ជំនួយដល់អ្នកស្វែងរកការងារ, ឬ
• ជំនួយសម្រាប់មាតាឬបិតាទោល

អ្នក ឬដៃគូរបស់អ្នកអាចមានកាតព្វកិច្ច​ទាក់ទងនឹងការងារ និង/ឬសង្គម ប្រសិនបើអ្នកទទួលបាននូវ ៖

• ជំនួយផ្នែកសង្គ្រោះបន្ទាន់ ឬ
• ប្រាក់ឧបត្ថម្ភការថែទាំសង្គ្រោះបន្ទាន់ ។

អ្នកក៏ត្រូវមាន កាតព្វកិច្ចផ្សេងទៀត ផងដែរ ។ ដើម្បីស្វែង​យល់ថា តើមានអ្វីកើតឡើង ប្រសិនបើអ្នក ឬដៃគូរបស់អ្នក មិនបានបំពេញកាតព្វកិច្ចផ្សេងទៀត, សូមមើល ‘នៅពេលដែលអ្នកមិនបានបំពេញកាតព្វកិច្ច​របស់អ្នក’ ។

Supported Living Payment (ប្រាក់ឧបត្ថម្ភចំពោះការរស់នៅ)

ពលរដ្ឋ ភាគច្រើនដែលទទួលបានប្រាក់ឧបត្ថម្ភ សម្រាប់ការរស់នៅ (Supported Living Payment) មិនស្ថិតនៅក្នុងប្រព័ន្ធភ្លើងចរាចរណ៍ នេះទេ ។ នេះគឺ​ដោយសារតែអ្នកមិនមានកាតព្វកិច្ចក្នុងការស្វែងរកការងារធ្វើ ។

អ្នកនឹងស្ថិតនៅក្នុង​ប្រព័ន្ធ​ភ្លើង​ចរាចរណ៍ តែក្នុងករណី​ដែល ៖

• អ្នកកំពុងមើលថែក្មេងក្នុងបន្ទុក ពីព្រោះស្ថាន​ភាពនេះ គឺមានន័យថា អ្នកមានកាតព្វកិច្ច​សង្គម (ដើម្បីធានាថាក្មេងទទួលបានការពិនិត្យ​សុខភាព និងការអប់រំ)
• គេបានវាយតម្លៃឃើញថា អ្នកអាចរៀបចំខ្លួន ដើម្បីចូលធ្វើការ ហើយយើងខ្ញុំបានពិភាក្សា​រឿង​នេះ​ជាមួយអ្នក (មានមនុស្សតិចណាស់​ដែល​ស្ថិតក្នុងចំណុចនេះ) ឬ
• យើងខ្ញុំ បានស្នើឱ្យអ្នកចូលរួមក្នុងការវាយ​តម្លៃ​សមត្ថភាពការងារ ឬធ្វើការជាមួយអ្នកផ្តល់​សេវា​ដែល​ជាប់កិច្ចសន្យា (មានមនុស្សតិចតួច​ណាស់ដែលត្រូវបានស្នើឱ្យធ្វើដូច្នេះ) ។

ប្រសិនបើអ្នកមានដៃគូ កាតព្វកិច្ចរបស់គាត់ អាចខុស​ពីកាតព្វកិច្ចរបស់អ្នក ។ នេះមានន័យថាពួកគាត់អាចត្រូវ​បញ្ចូល​ទៅក្នុងប្រព័ន្ធភ្លើងចរាចរណ៍ ទោះបីជាអ្នកមិនបាន​ស្ថិត​នៅក្នងនោះក៏ដោយ ។