Mōlī Faailo

O mōlī fa‘ailo e fa‘ailoa atu ai ia te oe le tulaga ua e o‘o iai ma vaega e manaomia ona fai.

• Lanu meamata: Afai ua ‘e i le lanu meamata, o loo ‘e tumau i le ala sa‘o ma ausia vaega e manaomia
• Lanu moli: E tuu oe i le lanu moli pe afai ua ‘e lē maua le vaega e manaomia ma e le o iai se mafua‘aga tatau. O lona uiga e manaomia lou faafesootai mai i se taimi vave. Afai ‘e te lē faafesootai mai, ma ‘e toe fo‘i i le ala sa‘o i totonu o aso faigaluega lona 5, ‘e tuu oe i le lanu mūmū.
• Lanu mumu: Afai ua e laasia le lanu mūmū, e ono fa’aitiitia pe taofia loa lau penefiti. O lona uiga ua tatau ona e fesootai vave mai, ina ia toe faatulaga i le fola masani. 

Afai e iai se mafua‘aga tatau ‘e te lē mafai ai ona ‘e maua vaega e manaomia, ia ‘e faafesootai mai matou i se taimi vave. Afai ‘e te lē faafesootai mai, matou te taumafai e faafesootai atu ae le tuuina ‘oe i le lanu moli, e saili muamua pe aisea ua ‘e lē maua ai vaega e manaomia.

E matou te lafoina atu se tusi e faailoa atu ai ia te oe pe afai ua tuu oe i le lanu moli poo le lanu mūmū. Mai le amataga o Oketopa, ‘e te iloa ai i lau MyMSD pe afai ua e oo i le lanu moli poo le lanu mūmū.

O ai e faatatau iai mōlī fa‘ailo

‘E te iai i mōlī fa‘ailo pe afai o iai ni vaega e manaomia tau i le galuega ma faatatauga lautele. O vaega nei:

• saili poo le faasauni mo galuega
• o loo auai i Sailiiliga pe Talafeagai ona Faigaluega, e fesoasoani ma faamalamalama mai ia i matou ituaiga galuega e mafai ona e faia
• o loo auai i galuega faatino i nisi o a matou auaunaga fesoasoani, e saili ai se galuega pe faasauni mo ni galuega
• vaega e manaomia o nafa lautele (pe afai o loo vaaia ni tamaiti)

Penefiti mo vaega e manaomia tau i le galuega ma nafa lautele

O ‘oe poo lau paga o iai ni vaega e manaomia tau i le galuega ma nafa lautele pe afai o ‘e maua se tasi o penefiti nei:

• Saili se galuega (Jobseeker Support), poo
• Se Matua e vaaia toatasi se tamaitiiti poo ni tamaiti (Tausi Tamaiti Tumau) poo le

O ‘oe poo lau paga o iai ni vaega e manaomia tau i le galuega ma nafa lautele pe afai o ‘e maua se tasi o vaega nei:

• Penefiti Faafuasei (Emergency Benefit), poo le
• Alauni Faafuasei (Emergency Maintenance Allowance).

O loo iai foi nisi fola o nafa manaomia. Mo lou malamalama i vaega e lē talia ai isi vaega e manaomia e ‘oe ma lau paga, taga’i i le ‘Afai ua le ‘ausia nafa manomia’.

Totogi Fesoasoani Soifua Lautele

O le toatele o tagata e maua le totogi o le soifuaga lautele e lē o iai i mōlī fa‘ailo. O le mafua‘aga ona e lē o iai se vaega e manaomia ai ona saili se galuega.

E tuu oe i mōlī fa‘ailo pe afai:

• o ‘e vaaia lau fanau, ona o loo iai vaega e manaomia tau nafa lautele (ia mautinoa o fai siaki tau le soifua maloloina ma a‘oga)
• ua sailia ma faaiuina i le mafai ona e sauni mo galuega ma ua uma ona tatou talanoa (e to‘aitiiti lava ni tagata e maua lea vaega) poo
• ua matou talosaga atu ‘e te auai i le Sailiga o Galuega Fuatia pe te galue i se tasi o ofisa o auaunaga fesoasoani faakonekarate (e to‘aitiiti ni tagata matou te talosagaina e faia lea vaega),

Afai o iai sau paga, o latou nafa manaomia e ono ese lava. O lona uiga, e aofia i mōlī fa‘ailo, e tusa lava pe e te le o aofia ai.